Një burrë u qëllua të shtunën në mbrëmje në lagjen Place De Brouckère, përpara hyrjes së hotelit në Adolphe Maxlaan në Bruksel, pranë De Brouckèreplein. Dyshohet se shqiptari është Erion Hasanbelliu alias Mikel Rakipllari, një emër i përfshirë në disa ngjarje kriminale në vend.
Brusslestimes shkruan se ai është qëlluar 6 herë me plumba pas shpine nga një person me inicialet K.N.
Shërbimet policore janë njoftuar për ngjarjen rreth orës 20:20 pas thirrjeve në numrin e urgjencës. Dëshmitarët raportuan një sërë të shtëna të shtëna në qendër të kryeqytetit. Policia thotë se po përdor mjetet maksimale për gjetjen e autorit(ve) të të shtënave.
Kush është Erion Hasanbelliu?
Erion Hasanbelliu është emër i njohur për drejtësinë shqiptare, pasi në vitin 2013-të ai është ekstraduar nga Brukseli drejt Shqipërisë pasi bashkë me të vëllanë akuzohen se, në vitin 2002, kanë vrarë në Belgjikë, Julian Çelën dhe kanë plagosur rëndë, Kasandër Nogan. Vëllai i tij Geron Hasanbelli është vënë në pranga 14 qershor 2013, në rrugën e Barrikadave në Tiranë.
Arrestimi dhe ekstradimi i tij në vitin 2013-të, është bërë pasi Gjykata e Fierit, me vendimin e datës 7 shtator 2009, e ka dënuar me 25 vjet heqje lirie për kryerjen e veprës penale të “vrasje me paramendim për gjakmarrje e kryer në bashkëpunim”, “vrasje me paramendim për gjakmarrje“ e kryer në bashkëpunim mbetur në tentativë, “mbajtje pa leje të armëve të zjarrit”.
Mediat belge kanë bërë publike momentin kur në ndihmë të shqiptarit vijnë qytetarë e ndihma e shpejtë. Trupi i Hasanbelliut ndodhej në hyrje të hotelit, ç’ka nxiti kuriozitetin e kalimtarëve të rastit për të parë se ç’po ndodhte.
Videon e shikoni KËTU.
j.l./ dita
