GJKKO ka lënë në burg Safet Bajrin i njohur ndryshe si “i forti” i Shkodërs, Behar Bajrin dhe Asmer Bilalin, të tre të akuzuar për vrasjen e xhaxhait të Ibrahim Licit, Fatbardh Lici.
Në seancën e cila ishte planifikuar të mbahej në orën 8:30 por u shty deri në mesditë, gjyqtarja Etleva Deda vendosi masat e sigurisë “arrest me burg” për tre të arrestuarit.
Ndërsa avokati i Safet Bajrit në një deklaratë për mediat pas përfundimit të seancës tregoi pak nga dëshmia e Safetit në seancë, ku sipas tij i sqaroi dhe njëherë se nëse ai do donte kishte iku dhe nuk e kishin kapur dot kurrë.
Këtë sqarim e bëri edhe për mediat pasi prej disa ditësh disa gazetarë janë shprehur se Bajrin e arrestuan duke e shtrirë në tokë forcat RENEA në momentin që u paraqit në komisariatin e Policisë rajonale Shkdoër.
“Po të kisha për të ikur, nuk më kishit kapur kurrë” – tha Safeti. Ai është paraqitur vetë, është e provuar nga kamerat e sigurisë se u paraqit vetë. Mediat e kanë trajtuar gabim, jo u arrestua jo e shtrinë përtokë. Është paraqitur vetë.
Analiza është pjesë e hetimit, e ka dhënë analizën e ADN në procese të ndryshme dhe nuk është se nuk e kishin analizën e ADN prokuroria. Nuk e di për çfarë ngjarje kërkohet, atë e di prokuroria.’’ – tha avokati i Safet Bajrit pas seancës gjyqësore.
Të tre akuzohen për vrasjen e Fatbardh Licit në gusht të vitit 2018 në Shkodër si dhe për pjesëmarrje në një grup të strukturuar kriminal.
Sipas SPAK, tre të dyshuarit dyshohet se ekzekutuan xhaxhain e kundërshtarit të tyre, Ibrahim Lici, si një akt hakmarrje për vrasjen e mikut të tyre, Boran Bërcana. Ky i fundit u ekzekutua brenda në makinën e tij, së bashku me partneren e tij, Silvi Ndoci.
Në njoftimin zyrtar ditën e premte, SPAK sqaron se Safet Rustem Bajri, Astmer Bilali dhe Behar Bajri janë të dyshuar për vrasjen e Fatbardh Licit më 10 gusht 2018 nga një atentat i ndodhur në Kiras të Shkodrës.
Nga hetimet e zhvilluara, ka prova që dëshmojnë se Bajrat dhe Bilali kanë planifikuar dhe organizuar atentantin e ndodhur më 10 gusht të vitit 2018 në Kiras të Shkodrës, me qëllim ekzekutimin e Fatbardh Licit, vëllai i Mustafa Licit dhe xhaxha i Ibrahim Licit.
Motivi i vrasjes së tij dyshohet se lidhet ndër të tjera me atribuimin që shtetasi Behar Bajri i bën Ibrahim Licit për vrasjen e të njohurit të tij, shtetasit Boran Bërcana.
Mbi këta persona rënojnë akuzat e , “Grupi i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.
j.l./ dita
