Gjykata ka pranuar kërkesën e Prokurorisë së Posaçme për pezullimin nga detyra të zëvendëskryeministres Belinda Balluku dhe ka urdhëruar bllokimin e pasaportës së saj.
Me vendim të Gjykatës së Posaçme kundër Korrupsionit dhe Krimit të Organizuar, zv.kryeministrja Balluku është pezulluar nga posti, ndërsa i është ndaluar edhe dalja jashtë territorit të Shqipërisë.
“Me kërkesë të SPAK, Gjykata e Posaçme e Shkallës së Parë ka vendosur masën e sigurimit personal ndalim i ushtrimit të detyrës dhe ndalim i daljes jashtë shtetit ndaj zv/kryeministres Belinda Balluku,” tha një burim BIRN .
“Po ashtu, janë caktuar masa sigurimi personal edhe ndaj dy personave të tjerë që janë nën hetim,” shtoi ai.
Ndërkohë, Gjykata e Posaçme bëri me dije se, duke qenë se masat e sigurimit kanë karakter sekret, gjykata në këtë moment nuk ka një njoftim zyrtar për të ndarë me median dhe publikun.
“Në momentin e duhur procedural, do të njoftoheni zyrtarisht nga ana e gjykatës,” theksoi Gjykata.
Dy javë më parë, Balluku u mor e pandehur nën akuzën e shkeljes së barazisë në tendera gjatë procesit të ndërtimit të tunelit të Llogarasë. SPAK e akuzon se ka kontrolluar çdo hap të një projekti me vlerë rreth 190 milionë euro dhe se ka paracaktuar fituesin në kundërshtim me kriteret standarde të prokurimit publik për një nga projektet më të shtrenjta të infrastrukturës në pesë vitet e fundit.
Gjatë seancës parlamentare të së mërkurës, Balluku deklaroi se akuzat ndaj saj ishin të pabaza.
“Më duhet të them disa fjalë, jo për të kompensuar baltën, aludimet, gjysmë të vërtetat dhe gënjeshtrat e thëna me bollëk këto kohë, por për detyrimin që kam ndaj kujtdo që beson te puna dhe jo te balta,” – tha ajo nga foltorja e Kuvendit, ku po prezantohej projekt-buxheti i qeverisë.
Edhe kryeministri Rama i doli në krah zëvendëses së tij, pasi opozita kërkoi dorëheqjen e saj për akuzat e rënda me të cilat ajo përballet.
“Po bëni prokurorinë popullore…”, u tha kryeministri deputetëve të opozitës.
Belinda Balluku iu bashkua kabinetit të Edi Ramës në vitin 2019 si ministre e Infrastrukturës dhe Energjisë dhe prej më shumë se pesë vitesh drejton portofolin më të madh qeveritar.
Ajo është gjithashtu zyrtarja më e lartë që përballet aktualisht me akuza penale nga SPAK, pas një serie bashkëpunëtorësh të ngushtë të kryeministrit që kanë humbur postet e tyre për shkak të hetimeve, përfshirë Arben Ahmetajn, ish-zv.kryeministër, Erion Veliajn, kryebashkiak i Tiranës, Ilir Beqajn, ish-ministër i Shëndetësisë, dhe më herët Saimir Tahirin, ish-ministër i Brendshëm.
Edmond Hoxhaj – Reporter
hahahaha si tha ramazoni dje? grab the popcorn
Hajde moj Balluk zhdrap e zhdrup,
nje Kazan Moll e Dardha baj e fut,
po ju shtrydh me rradhe juve shoku Ramazon,
ju ve te vidhnni rendeshem pastaj ju shkelmon,
ke firmen ne c’do tenderim, ne c’do mesybet,
me firmen tene eshte vjedhur sa per 100 vjet.
dhe ju e nxirrni këtë keqbërëse si një Artiste Filmi për ta reklamuar… ndërkohe që ajo do varrur me kokë poshtë..
Por Balluku doli jashte vendit dhe ate se paku dy here . Ajo shkoi ne Greqi dhe shkoi ne Amerike por flitet se shkoi edhe ne Beograd pasi ishte ftuar be SPAK.
Kjo eshte nji tallje e radhes qe i behet popullit shqiptar sepse pasi Balluku dele jashte vnbdit ne Greqi, Serbi dhe Amerike per ti prishe ose fshehe provat e rendesishme,asaje i ndalohet dalja jashte vendit duke e shkarkuar edhe nga posti qe ushtronte..!!
Sapo mberriti ky lajm ne studiot e T.CH. e Kol Balla nga lezeti i futi serish nje te masturbuar para lap-topit si dikur…