Ernest Gjoka shtyn rikthimin në Superiore. Tekniku i mirënjohur kryeqytetas kishte marrë ofertë nga Erzeni dhe palët ishin pranë marrëveshjes, megjithatë më pas gjithçka dështoi.
Ka qenë vetë Gjoka, që për SuperSport ka konfirmuar se nuk ka pranuar të marrë drejtimin e skuadrës së Erzenit, teksa mbetet në pritje të një tjetër oferte për t’u rikthyer në pankinë.
Klubi shijakas ka kaluar tashëm në duart e biznesmenit Ali Kasa, i cili ka marrë drejtimin e klubit dhe është gati të investojë për një projekt ambicioz, teksa pas refuzimit të Gjokës do të duhet të gjejë një tjetër trajner.
