Gjykata e Lartë prishi vendimin e Apelit të Posaçëm për Arbër Veliajn, i cili kundërshtoi sekuestrimin e materialeve nga ana e BKH si dhe të kontrolleve të ushtruara nga agjentët në banesën e tij dhjetorin e 2024.
Vendimi u dha nga treshja e gjyqtarëve Albana Boksi, Medi Bici dhe Sokol Binaj të cilët pas seancës të zhvilluar në dhomë këshillimi, vendosën të rikthejnë ccështjen në Apel për rigjykim, tek i njëjti trupë gjykues.
Pasi shkalla e tretë e gjyqsorit të zbardhë vendimin, në Apelin e Posaçëm gjyqtari Engert Pëllumbi, do të marrë edhe njëherë në shqyrtim ankimin e Arbër Veliajt, i cili kundërshtoi vendimin e GJKKO për sekuestrimin e materialeve në banesën dhe zyrën e tij si dhe për kontrollet e ushtruara në këto dy ambiente në kohën kur ai ndodhej jashtë vendit.
Kujtojmë se në dhjetor të vitit të kaluar, agjentët e BKH me urdhër të SPAK dhe vendim të GJKKO, mësynë në banesën dhe zyrën e Arbër Veliajt në kuadër të hetimeve që Prokuroria e Posaçme po kryente për vëllain e tij Erion Veliaj.
Nga kontrollet u sekuestruan materiale, pajisje elektronike dhe sende të tjera të cilat ndodhen në zyrat e SPAK dhe po përdoren për hetimin e çështjes.
Në të njëjtën ditë u sekuestrua edhe telefoni i Ajola Xoxës e cila ndodhet në masën e sigurisë “detyrim paraqitje”, si e dyshuar për kryerjen e disa veprave penale.
Hetimi i SPAK për kryebashkiakun e Tiranës po mban në paraburgim këtë të fundit, në masën e “arrestit në shtëpi” biznesmenin Elman Abule dhe në masë më lehtësuese pesë biznesmenë të tjerë, Shkëlqim Fushën, Meriman Palushin, Sokol Kryeziun, Fatmir Bektashin dhe Gentian Sulën.
j.l./ dita
Prezantimi im me Erjon Veliaj filloi per here te pare ne levizjen Mjaft. Fotografite e para ne nhe pub, nje koke e “trullosur” paksa nga ” pennelli di cigarelli”, shoqeri e zhurmshme e nhe elite te rinjsh qe aspironin per politizimin e levizjes se tyre ne nje shkalle me larte ate te nhe organizate rinore partiake. I shkolluar dhe me elokuence qe nxjerr ne pah njohurite e tij u ngjit shume shpejt ne hierarkine e politikes, per te vetmin fakt ; te elokuences shprehese te inteligjences. E vleresoja si nje zevendesues te eproreve te tij vendimmarres. Por,… gjithmone ka nje por, te ngjitesh shkallet e hierarkise ka nje kosto. Dhe kjo kosto e ka emrin buxheti i parave qe do menaxhosh. I dashur Erjon Veliaj, me lejo te te shpreh epersine e struktures pjate te organizimit me ate piramide hierarkike. Po e filloje me piramiden hierarkike vetem me nje fjali. ” Per cdo shkalle te ngjitur ne hierarki ty te duhet te pranosh nje kompromis, sa me lart ngjitesh aq me papranueshme do te jete per ty ekspozimi me kompromisin e rradhes”!!! Por kur vjen ceshtja madhore qe kompromisi mund te luhet ne ceshtjet e sigurise kombetare, piramida e hierarkise behet si rera e shkretetires dhe ti je i mbaruar perfundimisht si politikan. Kjo vlen per te gjithe bashkepunetoret e tu gjate kohes qe keni punuar ne bashki. ….