Zyra për media e qeverisë së Hamasit në Rripin e Gazës tha të mërkurën se të paktën 20,000 njerëz janë vrarë në territorin palestinez që nga fillimi i luftës me Izraelin.
Rreth 8,000 fëmijë dhe 6,200 gra janë në mesin e të vdekurve, thuhet në deklaratë, teksa konflikti i ashpër tashmë ka kaluar dy muaj që prej nisjes në 7 tetor.
Po sipas Kombeve të Bashkuara, pothuajse 20 000 njerëz janë vrarë në Gaza që nga 7 tetori, rreth 70% e të cilëve mendohet të jenë gra dhe fëmijë, dhe 52,286 të tjerë kanë mbetur të plagosur.
Në Bregun Perëndimor janë vrarë 291 palestinezë, duke përfshirë 75 fëmijë të vrarë nga forcat izraeli ose kolonët izraelitë, ka thënë OKB.
Ndërkohë, kryeministri i Izraelit, Benjamin Netanyahu ka deklaruar sot se sulmet do të vazhdojnë deri në eliminimin e plotë të Hamas dhe lirimin e të gjithë pengjeve.
a.c./dita
