Do të ishte një “gabim i madh” për Korenë e Veriut nëse do t’i dërgonte mbështetje ushtarake Rusisë për ta përdorur në luftën e saj në Ukrainë.
Kjo është ajo që ka deklaruar zëvendëspresidentja e Shteteve të Bashkuara të Amerikës, Kamala Harris.
Harris, e cila ndodhet në Xhakartë të Indonezisë, për një samit të ASEAN, i tha CBS News se do të ishte një shenjë dëshpërimi për Rusinë që të kërkonte ndihmë nga Koreja e Veriut e izoluar dhe kjo do të izolonte më tej të dy vendet.
“Unë mendoj se do të ishte një gabim i madh. Ideja se ata do të furnizonin municione për këtë qëllim do të ishte një gabim i madh. Unë gjithashtu besoj shumë se si për Rusinë ashtu edhe për Korenë e Veriut, kjo do t’i izolojë më tej.”
Zyrtarët amerikanë kanë paralajmëruar ditët e fundit se negociatat për armët midis Rusisë dhe Koresë së Veriut po përparojnë në mënyrë aktive, ndërsa një raport thotë se Kim Jong Un i Koresë së Veriut planifikon të udhëtojë në Rusi këtë muaj për të takuar Vladimir Putinin dhe për të diskutuar furnizimin e Moskës me armë.
“Është shumë e qartë se Rusia është shumë e dëshpëruar. Ata tashmë kanë përjetuar një dështim strategjik,” shtoi Harris.
