Kanadja është vendi i parë, i cili do të vendosë etiketa paralajmëruese për shëndetin, direkt në çdo cigare individuale, shkruan The Guardian.
Kanadaja do të fillojë të shtypë paralajmërime në çdo cigare, në një përpjekje për të penguar të rinjtë nga fillimi i duhanit dhe për të inkurajuar të tjerët të lënë duhanin.
Paralajmërimet, të cilat do të jenë në anglisht dhe frëngjisht, do të përfshijnë fraza si “Cigaret shkaktojnë kancer” dhe “Helm në çdo thithje”.
Rregulloret e reja hyjnë në fuqi të martën.
Duke filluar nga viti i ardhshëm, kanadezët do të fillojnë të shohin etiketat e reja paralajmëruese.
Deri në korrik të vitit 2024, prodhuesit do të duhet të sigurojnë që paralajmërimet të jenë në të gjitha cigaret e shitura, dhe deri në prill 2025, të gjitha cigaret e madhësisë së zakonshme dhe puro të vogla me letër makinerie dhe tuba duhet të përfshijnë paralajmërimet.
Frazat do të shfaqen pranë filtrit, duke përfshirë paralajmërimet për dëmtimin e fëmijëve, dëmtimin e organeve dhe shkaktimin e impotencës dhe leucemisë.
j.l./ dita
