Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari që jetonte në Ħaż-Żebbuġ, vdiq pasi një çati e një shtëpi e viteve 1920 në rrugën St Ignatius, ku ai po punonte, u shemb.
Një 31-vjeçar shqiptar, cili është dhëndri i viktimës mbeti i plagosur dhe pësoi lëndime të lehta. Balla, i cili ishte nga Librazhdi, prej dy vitesh jetonte dhe punonte në Maltë. Ai festoi ditëlindjen dhjetorin e kaluar dhe ishte baba i gjashtë fëmijëve, ku më i vogli është vetëm 12 vjeç.
Ngjarja ndodhi paraditen e së shtunës, ndërkohë që dy punëtorët shqiptarë po testonin vendin për të parë nëse mund t’i rezistonte punimeve të planifikuara.
Pas shembjes, Autoriteti i Ndërtimit lëshoi një deklaratë duke thënë se punimet nuk ishin sanksionuar ende dhe po kryheshin pa lejet e nevojshme.
j.l./ dita
