Masat ajrore me origjinë nga Afrika e Veriut, të cilat po furnizohen me lagështi nga Deti Mesdhe, kanë sjellë kushte atmosferike relativisht të paqëndrueshme në territorin e Shqipërisë.
Sinoptikania Elida Maloçali, në një lidhje direkte për edicionin e lajmeve në Top Channel, tregoi se si do të jetë moti edhe në javën e ardhshme.
Sipas parashikimeve meteorologjike, gjatë fundjavës vendi do të jetë me mot të ndryshueshëm, ku alternohen kthjellime dhe vranësira. Në orët e mesditës, vranësirat pritet të shoqërohen me reshje shiu dhe rrebeshe kryesisht në zonat malore, ndërsa vija bregdetare mbetet kryesisht pa reshje.
Era do të fryjë me shpejtësi nga 7 deri në 14 m/s, duke sjellë kushte lokale të ndryshueshme në disa zona.
Sa i përket temperaturave, vendi ndodhet në kushte tipike subtropikale, me vlera që pritet të arrijnë deri në 33-34°C gjatë fundjavës.
Edhe gjatë javës së ardhshme, moti do të mbetet i ngjashëm, me kthjellime në pjesën më të madhe të territorit dhe reshje të izoluara në relievet malore. Temperaturat pritet të rriten më tej, duke arritur deri në 34-35°C, ndërsa era do të jetë më e lehtë, rreth 5 m/s.
j.l./ dita
Nuk po kuptoje kete lajm sensibiliteti se kujt i sherben . Parashikimet per temperaturat, sipa te dhenave nga qendrat Boterore dhe ato Evropjane deri me sot ,nuk kane gabuar me keto shifra sic na e paraqet Elida Malocari . Do kete ngritje javen qe vjen por jo me keto shifra . Parashikohen nga 28 deri ne 30 e pa zakonte per fundin e muaj Maj . Po ashtu per muajne Qershor priten renje me javen e pare te muajt deri ne 28 ,te shoqeruara me vransira erera te forta e shira vende vende . Kjo do te zgjas deri ne 20 Qershor ku fillojne ngritjet deri ne 32 grade te temparaturave duke u futur perfundimishte ne nje kohe te qendrushme e te nxehte . .