Beteja ligjore mes Shakirës dhe Thesarit të Spanjës vazhdon, teksa këngëtarja kolumbiane përballet me një proces gjyqësor për mashtrim tatimor prej 14.5 milionë eurosh. Me kalimin e viteve, deklaratat nga gjyqi janë shtuar dhe tashmë ‘El País’ ka pasur akses në to. Mes tyre një detaj interesant nga lidhja intime me mbrojtësin e Barcelonës, Gerard Pique, në fillimet e saj.
“Isha e kënaqur me të. Mbaj mend që fluturova nga Marrakech për në Kroaci. Ne po fluturonim mbi Barcelonë dhe e pyeta pilotin e avionit nëse mund të ulem shkurtimisht vetëm për t’i dhënë një puthje Gerardit. Është gjëja më romantike që kam bërë ndonjëherë në jetën time. Nuk e di nëse Agjencia e Tatimeve do ta ketë llogaritur si një ditë në Spanjë…”, u shpreh ajo, duke iu referuar me ironi hetimit në proces.
