Ish-zv/kryeministri Arben Ahmetaj ka folur për herë të parë për ish-vartësen e tij Alda Klosi, e cila ndodhet pas hekurave për fshehje të pasurisë.
I ftuar në kanalin Klan, Ahmetaj tha se me Klosin kishte pasur marrëdhënie pune korrekte, ndërsa telefonata e fundit me të ishte në tetor.
“Sa i përket personit në fjalë, Alda Klosi. Erdhi nga Ujësjellësi i Tiranës, ka shkuar te Ministria e Financave, dhe ka qenë vetëm 9 muaj aty. Në sytë e mi ka qenë një punonjëse korrekte. Ka qenë gjithçka zyrtare.
Kam folur një herë në telefon diku nga fillimi i tetorit. E pyesta ‘ça bëni? ku keni nisur punë?’
Sugjerimi im në situatën e saj ka qenë; ndiq procedurën ligjore dhe denonco. Sot ajo është para përgjegjësisë, ka përgjegjësi para drejtësisë. Uroj që t’ia dalë.”, tha ai.
m.b./dita
