Një ditë pas sulmit amerikan ndaj bazave iraniane, Izraeli dhe Irani kanë kryer sërish sulme ndaj njër-tjetrit. Ushtria izraelite theksoi se kreu sulme kundër “objektivave ushtarake” iraniane, duke përfshirë vendet e lëshimit dhe magazinimit të raketave.
“Rreth 20 avionë luftarakë kryen sulme të bazuara në inteligjencë duke përdorur më shumë se 30 municione ndaj objektivave ushtarake në Iran“, tha ushtria izraelite.
Alarm u dha edhe në Izrael ndërsa Forcat e Mbrojtjes thanë se kishin hapur një raketë të lëshuar nga Irani. Mediat izraelite raportuan se dy persona mbetën të bllokuar në një ndërtesë të goditur nga një raketë në Izraelin qendror. 14 persona u plagosën nga goditja, përfshirë një grua 60-vjeçare në gjendje të rëndë.
Shpërthime të forta u dëgjuan edhe në Tel Aviv pasi IDF-ja dha paralajmërim për sulme ajrore për shkak të raketave iraniane që po vinin.
Më vonë u lëshuan sërish alarmet për sulme ajrore në disa zona të të Izraelit, duke përfshirë qytetet e Tel Avivit, Haifës dhe Jerusalemit.
Ndërkohë, në mëngjes Forcat Ajrore Izraelite (IAF) njoftuan se po bombardojnë objekte ushtarake në Kermanshah, në Iranin perëndimor.
j.l./ dita
