Juventusi triumfoi me rezultatin 0-2 në transfertën ndaj Atalantës, duke u ngjitur në vendin e dytë të renditjes, me 66 pikë dhe duke i shkuar gjithnjë e më pranë sigurimit matematiksiht të një vendi në zonën Champions.
Pas një pjese të marrë pa gola, Iling Junior zhbllokoi sfidën në minutën e 56’, me një aksion mjaft të bukur, ndërsa në shtesë ishte Vlahovic që shënoi golin e dytë, pas një kundërsulmi të shpejtë. Me këtë sukses bardhezinjtë ngjiten në kuotën e 66 pikëve, ndërsa Atalanta mbetet në kuotën e 58 pikëve dhe tani me gjithnjë e më pak shanse për të siguruar një vend në zonën Champions të renditjes.
