Një dietë e shëndetshme është thelbësore për parandalimin e llojeve të ndryshme të patologjive. Ajo gjithashtu na ndihmon të marrim lëndët ushqyese të nevojshme për t’u zhvilluar në mënyrë të shëndetshme. Në këtë kuptim, të ashtuquajturat superushqime luajnë një rol kryesor.
Kumbullat janë një aleat i mundshëm për këtë. Ky frut karakterizohet nga përmbajtja e lartë e fibrave të tretshme. Ndër to dallohen disa si pektina, por edhe fibrat e patretshme si celuloza. Është
gjithashtu i pasur me minerale si kalciumi, hekuri, kaliumi, fosfori dhe magnezi.
Nga ana tjetër, është një produkt i pasur me vitamina A, C, K, B1, B2, B3 dhe B6. E gjithë kjo e bën këtë frut një element thelbësor për ta përfshirë në dietën tonë nëse duam të luftojmë kapsllëkun. Prania e vitaminës C dhe K i bën kumbullat një produkt kyç për të reduktuar rrezikun e sëmundjeve kardiovaskulare, si infarkti i miokardit dhe ateroskleroza.
Në këtë kuptim, ndihmon në luftimin e kolesterolit të keq dhe hipertensionit, si dhe diabetit. Çdo porcion prej 28 gramësh i këtij ushqimi përmban afërsisht 67 kalori. Sipas hulumtimit të kryer nga Universiteti i Ëollongong (Australi), kumbullat kanë veti antioksiduese, antiinflamatore dhe antialergjike që promovojnë mirëqenien.
Por, konsumimi i tepërt i këtij produkti, sipas ekspertëve të ushqyerjes, mund të çojë në efekte të ndryshme anësore. Për shkak të përmbajtjes së fibrave, konsumimi i tepërt mund të shkaktojë, sipas një studimi të Dr.Jane MacDonald, probleme të tilla si gazra dhe fryrje, diarre dhe kapsllëk, nëse konsumimi nuk shoqërohet me shumë ujë.
p.k\dita
