Nga dhuna e arbitrave në Tirana-Bylis, te shishet kokës në Flamurtari-Korabi. Sfida që u mbyll 2-1 për dibranët dhe la pa mundësi ngjitjeje vlonjatët, pati edhe tensione e dhunë në fund. Tifozët vlonjatë që ishin në tribunë nuk u kënaqën me humbjen dhe gjuajtën arbitrin Juxhin Xhaja me shishe kur po futej në tunel.
Xhaja u bë protagonist pas një sherri që u bë nga të dyja skuadrat, duke ndëshkuar katër lojtarë me kartonë të kuq. Kjo solli së bashku me dhimbjen e eliminimit, dhunën nga tifozët vlonjatë. Nuk ka raportime nëse arbitrat morën lëndime dhe pritet procesverbali i zyrtarëve dhe treshes gjykuese.
