Kryeministri në detyrë i Kosovës, Albin Kurti ka shpërndarë në rrjetet e tij sociale, reagimin e ministrit të Brendshëm, Xhelal Sveçlës, lidhur me kërcënimin e djeshëm më bombë në Kuvend. Kurti përgëzoi institucionet për atë që ai e cilësoi reagim të shpejtë dhe profesional.
Ai shprehet gjithashtu se konfirmimi se ky kërcënim e kishte origjinën nga Serbia, dëshmon edhe një herë luftën aktive hibride të Serbisë ndaj Kosovës.
“Përgëzoj institucionet shtetërore për reagimin e shpejtë dhe profesional. Konfirmimi se ky kërcënim e ka origjinën në Serbi dëshmon edhe një herë luftën aktive hibride të Serbisë ndaj vendit tonë”, thuhet në postimin e Kurtit.
Ministri i Punëve të Brendshme të Kosovës, Xhelal Sveçla u shpreh më heret se kërcënimi me bombë në Kuvend është bërë nga një numër telefoni i regjistruar në Serbi, konkretisht nga kompania telefonike MTS, dhe përdoruesi i tij është identifikuar si Lazar Zivkoviç.
Hetimet e para kanë zbuluar se në disa profile të lidhura me këtë numër është përdorur fotografia e kriminelit të luftës, Ratko Mladiç duke e lidhur rastin me grupe ekstremiste dhe anti-Kosovë. Ministri ka nënvizuar se institucionet e Kosovës po e trajtojnë këtë rast me prioritet të lartë dhe se do të kërkojnë mbështetje ndërkombëtare për arrestimin dhe vënien para drejtësisë të personave përgjegjës për këtë akt kërcënues.
Policia e Kosovës dje pas alarmit për mjet shpërthyes në objektin e Kuvendit të Kosovës bëri të ditur se kërcënimi ishte bërë përmes një thirrjeje telefonike që ka ardhur nga një numër me origjinë të dyshuar nga Serbia.
Historikisht ,te gjitha ndodhite qe jane perkrahur nga mbare populli yne ne Republiken e Kosoves,nga eshte pritur nje ndryshim,nje fitore,armiku shekullor rusoserb nuk kane pertuar per te perhapur nje alarm i cil i u konvenon moskes bepgradit,ku fatkeqesisht si katalizatore e kesaj te keqes,Tirana syri dhe zemra e kombit,ka zbatuar urdhera te kobeshme.Ky eshte nje tealitet i hidhur ,sala ne sherbim te plote me mace me mi…Vigjilenca e institucioneve ne Republiken e Kosoves,fale zgjuaresise pregaditjes te kuadrove,e zbuluan plotesisht kete akt makaber…por tani ky veprim duhet ti detyroi koke mushkat ,te reflektojne,ngase ,me kete veprim edhe ata vet me dije ose pa dije ,realizojne synimet e armikut dhe len shtetin e Republikes se Kosoves pa konstituimin e Kuvendit.Therrisni ndergjegjes per hir te atyre qe dhane jeten ,vuren kokat e tyre ne bedenet e kesaj keshtjelle,te menjanoni inatet,unin personal ,karriket,Kosova mbi te gjitha ajo i perket mbare kombit tone..
Po more Flamur po , Sërbia dhe Rusia ja kanë fajin idiotëve kosovarë , që tashmë 6 muaj nuk krijojnë dot parlamentin dhe qeverinë . Aq mend kanë thuaj .