Nuk plotësohet kërkesa e Alma Kaçit, gruas së përfshirë në skandalin seksual me ish-kryebashkiakun e Kukësit.
Gjykata e Posaçme ka refuzuar kërkesën për masë më të butë sigurie ndaj Kaçit.
40-vjeçarja kërkoi ndryshim mase nga “arrest shtëpie” në detyrim paraqitjeje, por kërkesa e saj u refuzua nga gjyqtarja Flora Haradinaj.
Alma Kaçi për të disatën herë, i ka kërkuar Gjykatës ndryshimin e masës së sigurisë me disa pretendime. Fillimisht, sa i takon gjendjes shëndetësore të nënës së saj, e cila është e verbër dhe duhet të kujdeset për të. Mirëpo, të gjitha shkallët e kanë refuzuar kërkesën e saj.
Po kështu një tjetër argument është dhe kujdesi që ajo duhet të ketë për fëmijën e saj të mitur, ku është shprehur se fëmija duhet shoqëruar për në shkollë. Edhe pse ajo është në masën e arrestit shtëpiak e ka të pamundur që ta çojë atë në ambientet e shkollës.
Ajo po hetohet nga SPAK për akuzën e korrupsionit aktiv, ndërsa kërkoi hetim në gjendje të lirë.
Alma Kaçi dhe Safet Gjici u arrestuan më 24 qershor pasi akuzohen për korrupsion.
Në një video të publikuar në media, Alma Kaçi dhe Safet Gjici kryejnë marrëdhënie seksuale brenda zyrës së Kryetarit të Bashkisë Kukës, e më pas flasin për favorizim në një tender për sterizilimin e qenve.
j.l./ dita
