Komisioni Republikan i Zgjedhjeve në Serbi ka marrë vendim që të shtunën më 30 dhjetor të këtij viti nga ora 07:00 deri në orën 20:00 të bëhet rivotim në 28 qendra votimi në Serbi. Sipas KQZ, në vendet ku përsëriten zgjedhjet janë gjithsej 12240 votues.
Votimi për zgjedhjen e deputetëve të popullit përsëritet në ato vende për shkak se nuk mund të përcaktohen rezultatet e zgjedhjeve të mbajtura më 17 dhjetor ose për shkak të anulimit të votimit, sipas mediave serbe.
Votimi do të bëhet në vendvotimin 28 në komunën e Babushnicës, në vendvotimin Bojnik, në vendvotimin 18 në Veliko Gradishtë, në vendvotimet numër 2, 24 dhe 45 në Vllasotinac, në vendvotimin numër 23 në Trstenik, në vendvotimin 15 në Zhagubica, votimi stacioni numër 5 në Koceljevi, numri 40 në Leban, numri 18 në Petrovac na Mlava, numri 8 në Plandishte, numri 24 në Rashka, numri 6 dhe 37 në Svrljig, numri 40 në Tutin, numri 8 në Ćuprija.
Votimi do të përsëritet edhe në ato vende ku është anuluar votimi, përkatësisht: vendvotimi 32 Arandjelovac, 24 Babushnica, 23 Veliko Gradishte, 26 Koceljeva, 10 Kosjeriq, 7 kula, 4 Petrovac na Mlavi, 22 Svrljig, 16 Topolaja, 25.
Kundërshtarët e presidentit serb Aleksandër Vuçiç kanë dalë në rrugë që prej të hënës për të protestuar ndaj, siç thanë ata, manipulimit të zgjedhjeve të se dielës, të cilat sipas vëzhguesve ndërkombëtar u përshkuan nga shumë parregullsi.
Një nga krerët e koalicionit opozitar “Serbia kundër dhunës”, Miroslav Aleksiç tha se Komisionit i janë paraqitur të gjitha vërejtjet e tyre, dëshmitë, regjistrimet dhe gjithçka që duhet të shohë Komisioni i Zgjedhjeve, përfshirë të dhëna se në çfarë kushtesh janë mbajtur zgjedhjet dhe si është kryer vjedhja brutale në qendrat e votimit, se si njerëzit nga Republika Serbe, nga Bosnja, u sollën për të votuar.
j.l./ dita
