Gazetarja britanike e pyet për skandalin “Signal”, kongresmenia pro-Trump: Nga je ti? Shko në vendin tënd se po ju përdhunojnë gratë emigrantët

Përfaqësuesja republikane nga Gjeorgjia, e cila është një nga mbështetëset më të egra të Donald Trump, pyeti gazetaren Martha Kelner të Sky News për kombësinë e saj kur zonja Kelner pyeti për rrjedhjen aksidentale të planeve të sulmit Houthi në “Signalgate”.

Kongresmenja Marjorie Taylor Greene ka bërë një sjellje të pazakonte ndaj një gazetareje britanike se cila po përpiqej të bënte një pyetje në lidhje me mesazhet e rrjedhura të aplikacionit Signal në lidhje me sulmet ushtarake amerikane ndaj Houthis në Jemen. Greene i tha gazetares që të ktheje në vendin e saj.  

Përfaqësuesja republikane nga Gjeorgjia, e cila është një nga mbështetëset më të egra të Donald Trump, pyeti gazetaren Martha Kelner të Sky News për kombësinë e saj kur zonja Kelner pyeti për rrjedhjen aksidentale të planeve të sulmit Houthi në “Signalgate”.

-Prit. Nga cili vend jeni?” pyeti Greene disa sekonda pasi dëgjoi theksin e gazetares. Kur kjo e fundit u përgjigj se ajo ishte nga Mbretëria e Bashkuar, kongresmenja refuzoi ta linte të përfundonte pyetjen e saj, e aq më pak t’i përgjigjej, raportojnë mediat.

“Dakord, ne nuk bëjmë fjalë për mendimin tuaj dhe raportimin tuaj. Pse nuk kthehuni në vendin tuaj, ku keni një problem të madh me emigrantët”, tha Greene.

“Jo, jo, jo, jo, ju duhet të kujdeseni për kufijtë tuaj,” vazhdoi kongresmeja, ndërsa gazetarja këmbënguli. 

“A ju intereson që jetët e amerikanëve të vihen në rrezik?” ndërhyri gazetarja. 

“Më lejoni t’ju them diçka. A kujdeseni për njerëzit nga vendi juaj? Po për të gjitha gratë që përdhunohen nga emigrantët?” u përgjigj Greene. 

“Ti mbarove, nuk më interesojnë lajmet e tua të rreme,” tha sërish kongresmenja ndërsa kërkonte një “gazetare amerikane” për t’i bërë një pyetje. 

Kur u pyet nga një gazetar amerikan, Greene tha se i qëndron deklaratave të administratës Trump.