Presidentja e Kosovës, Vjosa Osmani, tha se ka vendosur që zgjedhjet e jashtëzakonshme do të mbahen më 28 dhjetor.
Gjatë konferencës për media, pas takimit që më herët gjatë ditës mbajti me përfaqësuesit e partive politike, Osmani tha se tetë parti ishin për datën 28 dhjetor, pesë për 21 dhjetorin dhe tri parti thanë se cilado datë është në rregull për ta.
Ajo po ashtu ka nënshkruar paraprakisht vendimin për të shpërndarë Kuvendin, pasi një ditë më parë deputetët dështuan për herë të dytë që të zgjidhnin ekzekutivin e ri të vendit.
Nënshkrimi i dekretit për shpërndarjen e Kuvendit vjen po ashtu pasi udhëheqësit politikë nuk arritën asnjë marrëveshje që deputetët të provojnë t’i votojnë sot disa marrëveshje me rëndësi për vendin.
“Në përputhje me Kushtetutën e Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, presidentja e Republikës së Kosovës ka shpërndarë sot legjislaturën e nëntë të Republikës së Kosovës”, thuhet në njoftimin e Presidencës.
j.l./ dita
Bravo! Trushpelaret, do t’i keni gjithmone ne vijen e pare. Ata, u urojne suksese dhe as qe duan t’ia dine, qe dhjete muaj me radhe, i keni dhier siper shtetit dhe institucioneve, ne emer te karrikes tuaj…….te dhier por krenare!
Ne Kosove funksionon Shteti Ligjor,funksionojne Institucionet,Funksionon Kushtetuta si kudo ne Boten Perendimore.
Renja e Qeverrive per shkak te Votebesimit,Perseritja e Zgjedhjeve per te krijuar Shumice te Qarte jane te Zakonshme ne Shtetet e BE.Demokracia nuk funksionon ne ato vende ku edhe pas 12 vjet Qeverrisje,Qeverria i fiton Zgjedhjet me 90% si ne Rusi e ne ndonje vend te Ballkanit,qe nuk po e them.