Jupiteri është një nga planetët që tërheq më shumë vëmendjen, kryesisht për faktin se është më i madhi në Sistemin Diellor dhe për strukturën e tij të gaztë kurioze, (mendohet se s’ka bërthamë apo kore), që krijon ngjyrat e tij mahnitëse. Madje në disa raste mund të shihet edhe nga Toka, sepse pavarësisht se është i pesti në distancë nga Dielli, nuk është hera e parë që është afër planetit tonë.
Edhe pse ta shohësh atë nuk është shumë e komplikuar, ajo që bëhet më e vështirë është të marrësh një imazh me definicion të lartë të Jupiterit. Deri më tani, imazhi më i detajuar që është marrë nga planeti është marrë nga anija kozmike Juno, e lëshuar nga NASA, e cila pas përpunimit dixhital na lejon të shohim shumë qartë, se si është ky planet nga shumë afër.
