I dërguari i Bashkimit Evropian për dialogun Kosovë-Serbi, Miroslav Lajçak zhvilloi sot një takim me kryeministrin e Kosovës, Albin Kurtin.
Takimi ‘kokë më kokë’ u bë në kuadër të vizitës së kreut të qeverisë së Kosovës në Forumin Strategjik ‘Bled’ në Slloveni. Lajmin e bëri të ditur vetë Lajçak nëpërmjet një postimi në platformën X.
Ai shkroi se në fokus të diskutimeve ishte takimi që do të bëhet në Bruksel me ndërmjetësuesit e dialogut, Kurtit dhe Vuçiç në kuadër të dialogut. Takimi do të mbahet në shtator me fokus normalizimin e marrëdhënieve dhe zbatimin e deklaratës të 3 qershorit.
“Pata një takim të rëndësishëm me kryeministrin Albin Kurti, sot në Bled. Tema jonë kryesore e diskutimit ishin përgatitjet e takimit të radhës të dialogut të nivelit të lartë në shtator me fokus normalizimin e marrëdhënieve dhe zbatimin e deklaratës të 3 qershorit”, shkroi Lajçak
