Një problematikë e mbartur prej vitesh dhe një kërkesë e vazhdueshme e banorëve ka nisur të marrë zgjidhje.
Bashkia e Tiranës ka nisur punën për kanalizimet në Rr.Dhimitër Xhuvani për ta përfunduar në kohë rekord per banorët e bllokut të fundit pranë kodrave të Kasharit, e cila deri para 2015 ishte një zonë tërësisht e paurbanizuar.
Ekipet e specialistëve bashkë me mjetet e tyre janë duke punuar me kujdes për rrjetin dhe sipas standardeve ndërkombëtare. Në këto shtatë vite, Bashkia e Tiranës ka realizuar një sërë investimesh të rëndësishme në shumë zona të kryeqytetit.
