Presidenti i Rusisë, Vladimir Putin tha se të katër personat e armatosur që kryen një sulm vdekjeprurës në një sallë koncertesh në Moskë janë arrestuar.
Në një fjalim televiziv, Putin dënoi masakrën – më vdekjeprurëse në Rusi për gati 20 vjet – si një “akt barbar terrorist” dhe përsëriti sugjerimet e mëparshme nga shërbimet ruse të sigurisë se sulmuesit ishin përpjekur të arratiseshin në Ukrainë.
Putin shpalli 24 marsin ditë zie kombëtare për të kujtuar 133 personat e vrarë në Crocus City Hall. Flamujt janë ulur në gjysmështizë, eventet janë anuluar dhe reklamat janë pezulluar në kanalet televizive.
Vendi ka shpaull zi kombëtare 29 herë që nga viti 1993. Në një fjalim drejtuar kombit, Putin u shprehu ngushëllimet familjarëve që humbën të dashurit e tyre.
Ndërkohë Kievi hodhi poshtë pretendimin se ishte përfshirë në sulm.
Të paktën 133 njerëz u vranë dhe më shumë se 140 u plagosën kur sulmuesit hynë në ndërtesë, duke qëlluar pa dallim dhe duke e djegur atë.
Autoritetet thanë se 11 persona u arrestuan gjithsej dhe katër personat e armatosur u kapën teksa po shkonin për në Ukrainë.
Grupi Shteti Islamik (IS) thotë se qëndron pas sulmit.
j.l./ dita