Pritet të mbahet sot seanca në Gjykatën e Posaçme lidhur me kryebashkiakun e zgjedhur të Himarës, Fredi Beleri i arrestuar për krime zgjedhore.
Seanca është parashikuar të mbahet këtë të enjte në 12:00, ku trupi gjykues pritet të vlerësojë në seancë paraprake nëse dosja e Fredi Belerit do të kalojë për gjykim, do i kthehet Prokurorisë, apo do marrë vendim për pushimin e çështjes.
Avokatët e Belerit pretendojnë se klienti i tyre mbahet padrejtësisht në burg.
Beleri u arrestua vetëm dy ditë përpara datës kur do të votohej për të zgjedhur kryetarët e rinj të bashkive.
Beleri ishte kandidat i koalicionit “Bashkë Fitojmë” përballë kryebashkiakut socialist të Himarës, Jorgo Goro, që garoi për mandatin e tij të katërt. Megjithëse i arrestuar, Beleri u shpall fitues i zgjedhjeve të 14 majit për Himarën.
j.l./ dita
