“Princi i bananes”, Daniel Noboa, është presidenti i ri i Ekuadorit. Djali i njeriut më të pasur në vendin e Amerikës Latine, i cili tentoi pesë herë garën presidenciale, por lideri 35-vjeçar i Veprimit Demokratik Kombëtar ia doli aty ku babai i tij Alvaro kishte dështuar gjithmonë.
Noboa i ri u zgjodh me 52.29% të votave të vlefshme, ndërsa kundërshtarja e saj, Luisa González, trashëgimtare e së majtës “correista” që qeveriste për një kohë të gjatë, u ndal në 47.71%.
Noboa, i cili do të jetë presidenti më i ri në historinë e Ekuadorit, u shfaq në mbyllje të numërimit me bashkëshorten e tij Lavinia Valbonesi në krah, një nutricioniste, modele dhe influencuese 25-vjeçare me origjinë italiane, e cila pret fëmijën e dytrë.
“Nesër do të fillojmë të punojmë për një vend të prekur nga korrupsioni, dhuna dhe urrejtja”, tha presidenti i zgjedhur, duke premtuar se do t’ua kthejë buzëqeshjen qytetarëve.
Daniel Noboa studioi Administrim-Biznesi në “Stern School of Business” të Universitetit të Nju Jorkut dhe më pas mori një diplomë master në Administrim Publik nga “Harvard Kennedy School” dhe një tjetër në qeverisje dhe Komunikim Politik nga Universiteti “George Ëashington”.
Një CV shumë e respektuar, por përvoja e tij politike është e kufizuar në fushatat fatkeqe elektorale të të atit.
Një nga kartat fituese gjatë fushatës elektorale ishte bashkëshortja e tij Lavinia, falë mbi 338 mijë ndjekësve në Instagram dhe më shumë se 209 mijë në Tik Tok.
Në disa raste ajo ka vendosur një trend në mesin e përdoruesve të rrjeteve sociale, ku e përkufizon veten si “nënë e pothuajse dy fëmijëve dhe specialiste e të ushqyerit”.
E reja, babai i së cilës është italian, ka lindur në qytetin Chone, në Ekuadorin perëndimor dhe është rritur në ishujt Galapagos.
I njohur deri pak muaj më parë vetëm si “pasardhësi i artë” i manjatit të bananeve – prej të cilit Ekuadori është eksportuesi kryesor në botë, Noboa është ngjitur në garën elektorale falë një fushate të fuqishme në rrjetet sociale.
Ai ishte surpriza e madhe në debatin e 13 gushtit, katër ditë pas vrasjes brutale të kandidatit presidencial Fernando Villavicencio.
Në një klimë të përgjithshme frike, me presidentë aspirantë që nuk i kanë hequr kurrë jelekët antiplumb, Danieli u shfaq “i ri, pragmatik, i ekuilibruar dhe i organizuar”, siç shkruan gazeta shtypi ekuadorian.
Një javë më vonë, më 20 gusht, ai kaloi lehtësisht në balotazh së bashku me super favoriten Luisa González.
Noboa do të qëndrojë në detyrë vetëm për 17 muaj, deri në maj 2025, pasi zgjedhjet u sollën nga presidenti në largim Guillermo Lasso, i cili shpërndau parlamentin për të shmangur shkarkimin.
Ai do të duhet të qeverisë një vend të pushtuar nga dhuna e bandave kriminale dhe të rrethuar nga kartelet e trafikut të drogës, për shkak të pozicionit të tij strategjik midis Kolumbisë dhe Perusë, dy prodhuesit kryesorë të kokainës në botë.
Noboa ka sugjeruar zhvendosjen e kriminelëve më të këqij në anijet e burgjeve në brigjet e Ekuadorit, në mënyrë që të çmontohen bandat kriminale që janë të përfshira në një gjakmarrje brenda burgjeve të vendit.
Në një nga këto pseudo-trazira, u vranë edhe gjashtë vrasësit e dyshuar kolumbianë të Villavicencios.
