Sipas një studimi të kohëve të fundit në “Harvard Review of Psychiatry”, një grua që është ngacmuar si fëmijë ka 27 herë më shumë gjasa të ketë një çrregullim paniku në moshë të re. Te burrat, ngacmimi në fëmijëri rezultoi në një rritje 18-fish të ideve dhe veprimeve vetëvrasëse.
Ngacmimi do të ketë gjithashtu pasoja të zgjatura për jetën sociale të njerëzve: shumë viktima e kanë më të vështirë të bëjnë miq në jetën e mëvonshme dhe kanë më pak gjasa të jetojnë me një partner afatgjatë.
Një mundësi është që ata luftojnë për t’u besuar njerëzve përreth tyre. Po ashtu, ka kosto akademike dhe ekonomike. Ngacmimi dëmton vetëvlerësimin e njerëzve, gjë që redukton perspektivat e tyre për punë – që do të thotë se ata kanë më shumë gjasa të përjetojnë paqëndrueshmëri financiare dhe papunësi në moshë madhore dhe në mes të moshës së re.
Lady Gaga, Shawn Mendes, Blake Lively, Karen Elson, Eminem, Kate Middleton dhe Mike Nichols – janë vetëm disa njerëz që kanë folur për përvojat e tyre të të qenit viktima të bullizmit në shkollë dhe dhimbjen që u ka shkaktuar në fëmijëri dhe jetën e mëvonshme.
Kushdo që është viktimizuar si fëmijë do të kuptojë ndjenjat e turpit që mund të sjellin këto lloj përvojash. Dhe pasojat nuk ndalen me kaq. Hulumtimet e fundit sugjerojnë se efektet e ngacmimit në fëmijëri mund të zgjasin për dekada, me ndryshime afatgjata që mund të na vënë në një rrezik më të madh të sëmundjeve mendore dhe fizike.
Gjetje të tilla po bëjnë që një numër në rritje i arsimtarëve të zhvendosin pikëpamjet e tyre për bullizmin, nga një element i pashmangshëm i rritjes, në një shkelje të të drejtave njerëzore të fëmijëve.
