Ministri në detyrë i Punëve të Brendshme të Kosovës, Xhelal Sveçla, është dënuar me një vit burgim me kusht për hedhjen e gazit lotsjellës në Kuvend në vitin 2018. Vendimi është marrë nga Gjykata Themelore në Prishtinë, e cila e ka shpallur fajtor Sveçlën për veprën penale “përdorim i armës apo mjetit të rrezikshëm”.
Dënimi është me kusht, çka do të thotë se Sveçla nuk do të vuajë dënimin me burg, nëse gjatë periudhës njëvjeçare të kushtit nuk kryen një tjetër vepër penale. Në momentin kur është shpallur vendimi, Sveçla nuk ka qenë i pranishëm në sallën e gjyqit.
Gjatë procesit gjyqësor, ministri në detyrë ishte deklaruar i pafajshëm. Hedhjen e gazit lotsjellës në Kuvend e kishte cilësuar si një aktivitet politik, duke argumentuar se në atë kohë, si deputet opozitar, po kundërshtonte ratifikimin e marrëveshjes për demarkacionin e kufirit me Malin e Zi.
Në të njëjtin proces gjyqësor janë të akuzuar edhe ministrja në detyrë e Mjedisit, Planifikimit Hapësinor dhe Infrastrukturës, Fitore Pacolli, ish-deputeti i Vetëvendosjes Salih Zyba dhe ish-deputetja e Lidhjes Demokratike të Kosovës Drita Millaku.
j.l./ dita
Filluat Ju te hani bijte tuaj? Kush eleminoi banden e Radoicicit? Populli serb po nderon si hero Mlladicin,qe vrau 360 mije bosnjake.20 mije i masakroi ne Srebrenice ne sy te mbrojtecve hollandeze. Gjykata kushtetuese Kosovesw kerkon 2\3 e Parlamentit per Presidentin,shifer qe e arrin vetem Kim Jong Ungu ne Kore.