Ajsbergu më i madh në botë, A23a, është në lëvizje dhe po drejtohet nga Antarktida drejt ishullit të largët britanik South Georgia, i cili është një strehë për kafshët e egra.
Sipas mediave të huaja ky ajsberg mund të përplaset në tokë dhe të thyhet në pjesë.
Ajsbergët janë shumë të paparashikueshëm dhe askush nuk e di me saktësi se çfarë do të ndodhë. Megjithatë, nëse A23a arrin te ishulli South Georgia, ai mund të shkaktojë probleme për kafshët e egra, sepse mund të bllokojë rrugët e tyre drejt ushqimit.
A23a është një nga ajsbergët më të vjetër në botë, aq i madh sa mund të shihet nga hapësira. Ai u shkëput nga akulli Filchner në Antarktik në vitin 1986, pastaj mbeti i bllokuar në fundin e detit dhe u kap në një vorbull oqeanike. Megjithatë, në dhjetor u lirua dhe filloi udhëtimin e tij të fundit.
Sipas studiuesve, A23a mund të shpërbëhet në segmente të mëdha çdo ditë, të cilat më pas mund të qëndrojnë për vite me rradhë, si qytetet lundruese me akull që qarkullojnë në mënyrë të pakontrolluar rreth South Georgia.
j.l./ dita
