Shqipëria luan ndeshjen e katërt të kualifikueseve të Botërorit 2026, ku në Riga do të ndeshet përballë Letonisë.
Kuqezinjtë vijnë pas një barazimi 0-0 me Serbinë në “Arenën Kombëtare” tre ditë më parë dhe në fushë sot zbresin vetëm për fitore, për të ruajtur pozitat e vendit të dytë.
Mbrëmjen e sotme, Shqipëria ka kaluar në avantazh ndaj Letonisë në minutën e 29-të.
Ishte një autogol i Cernomordijs, brenda zonës, që kaloi në epërsi kuqezinjtë.
Më herët, në minutën e 20-të, Thomas Strakosha priti një penallti ndaj lojtarit të Letonisë, Ikaunieks.
Arbitri akordoi 11 metërsh për faull të Kumbullës ndaj Gutkovskis.
i.b./dita
