Administratori i inceneratorit të Fierit, Loran Dusha, është arrestuar në Zimbabve të Afrikës së Jugut, pas një urdhërkërkimi ndërkombëtar për korrupsion dhe pastrim parash.
42-vjeçari Dusha ishte shpallur në kërkim nga autoritetet shqiptare që prej vitit 2022, kur GJKKO vendosi ndaj tij masën e sigurisë “arrest në burg”.
Ai akuzohet për veprat penale “Korrupsioni aktiv i funksionarëve të lartë shtetërorë ose të zgjedhurve vendorë” dhe “Pastrimi i produkteve të veprës penale ose i veprimtarisë kriminale”, të kryera në bashkëpunim.
Sipas hetimeve, Dusha, në cilësinë e administratorit të një kompanie private të përfshirë në menaxhimin e inceneratorit të Fierit, dyshohet se ka përfituar në mënyrë të paligjshme fonde publike, duke përdorur fatura dhe pagesa fiktive për punë dhe shërbime që nuk janë kryer në realitet.
Pas arrestimit në Zimbabve dhe ekstradimit të tij në Shqipëri, Loran Dusha është dorëzuar nga Policia pranë Drejtorisë së Përgjithshme të Burgjeve.
n.s. / dita
Po ate hunderrin Mirel Mertirin kur do ta sillni se nuk ka hyre tek trekendeshi i Bermudes ishalla, ate duhet me e sjelle qe ti nxjerre ujin e zi inceneratoreve qe na kane lodhur prej 5 vitesh duke rrahur uje ne havan.
Zimbabve eshte shtet i pavarur nga Afrika e Jugut prej shume dekadash! Gjinden ne kufi te njeri-tjetrit, por si shtete me vete!