Udhëheqësi kinez Xi Jinping ka deklaruar për herë të parë se kombi i tij “nuk ka frikë”, nga përshkallëzimi i luftës tregtare me Shtetet e Bashkuara, që ka goditur tregjet ndërkombëtare dhe ka nxitur frikën e një recesioni global.
“Nuk ka fitues në një luftë tregtare dhe të shkosh kundër botës do të çojë vetëm në izolim. Për më shumë se 70 vjet, zhvillimi i Kinës është mbështetur në vetëbesimin dhe punën e palodhur dhe nuk ka frikë nga ndonjë shtypje e padrejtë”, u shpreh presidenti kinez.
Komentet vijnë ndërsa kryeministri spanjoll ndodhet në Kinë për të biseduar për luftën tregtare.
Xi Jinping i bëri thirrje BE-së që së bashku të “kundërshtojnë praktikat e njëanshme të SHBA-së”, duke iu referuar tarifave globale gjithëpërfshirëse të SHBA-së.
Në fillim të kësaj jave Kina njoftoi një tarifë prej 84% për mallrat e importuara nga SHBA. Tarifat u rritën më vonë në 125%, me Shtëpinë e Bardhë që tha të enjten se tarifat ndaj Pekinit mund të arrinin 145% për disa produkte.
Por pavarësisht se administrata amerikane ka treguar pak shenja lehtësimi duke pezulluar për një periudhë 90 ditore tarifat, tregjet financiare ende mbeten të lëkundura, liderët e huaj po luftojnë se si t’i përgjigjen një shpërbërjeje të rendit të tregtisë botërore dhe përshkallëzimi me Kinën që ka nxitur frikën e recesionit global.
Taktikat e Trump supozojnë se ta detyrojnë Kinën të ulet në negociata, siç ndodhi në mandatin e tij të parë kur të dy palët arritën një marrëveshje tregtare që nuk u zbatua kurrë plotësisht edhe përpara se pandemia Covid-19 të mbyllte marrëdhëniet e SHBA me Pekinin.
Deri më tani BE-ja ka shtrirë dorën e bashkëpunimit me SHBA-në që kërkojnë një marrëveshje tregtare me SHBA-në gjatë kësaj pauze 90-ditore. Megjithatë, blloku gjithashtu “po zhvillon masa hakmarrëse” në rast se bisedimet dështojnë, ku parashikohet vendosjen e një takse mbi të ardhurat nga reklamat e kompanive amerikane të teknologjisë si Meta dhe Google.
Gjithashtu SHBA dhe Vietnami kanë rënë dakord të fillojnë bisedimet formale tregtare, sipas Shtëpisë së Bardhë. Vietnami ka deklaruar se mund të godasë mallrat kineze që dërgohen në Shtetet e Bashkuara përmes territorit të saj me shpresën për të shmangur tarifat, sipas Reuters.
Kryeministri japonez, ndërkohë, ka ngritur një task forcë tregtare dhe shpreson të vizitojë Uashingtonin javën e ardhshme. Tajvani nga ana tjetër pret gjithashtu të përfshihet në grupin e parë të partnerëve tregtarë për të zhvilluar bisedime me Uashingtonin.
