Një ministër i qeverisë Rama është në hetim. Kjo është përgjigjja që SPAK ka publikuar në Regjistrin e Transparencës për muajin prill, duke iu përgjigjur një prej pyetjeve të adresuara. Në këtë platformë, gazetarë por jo vetëm, edhe aktorë të tjerë të shoqërisë civile mund t’i drejtojnë pyetje Prokurorisë së Posaçme, nga e cila marrin përgjigjet mbi çështjet që kanë interes.
Shqiptarja.com u interesua mbi rastin dhe burime zyrtare konfirmuan se nuk kemi të bëjmë me asnjë hetim për ministrat aktualë të qeverisë Rama. Burimet sqaruan se bëhet fjalë për rastin e ish-zv.kryeministrit dhe ish-ministrit Arben Ahmetaj, i cili aktualisht është në arrati.
Hetimi ndaj Ahmetajt ka nisur gjatë kohës kur ai kishte funksionin e ministrit dhe pikërisht për këtë arsye SPAK e referon si “ministër” në përgjigje, sepse si i tillë figuron në regjistrat zyrtarë të SPAK.
Ahmetaj ndodhet në arrati që prej muajit korrik të vitit 2023 për çështjen e inceneratorëve, ndërsa ndaj tij ka nisur hetim edhe për çështjen “Buka”.
j.l./ dita
Shyqyr qe e sqaruat se iu kishte ngrire gjaku!
SPAK pasi u diskretitua kaq kohe ndersa e deklaronte A. Ahmetajn “ne kerkim” kur ndaj tij as ka patur kurre ndonje kerkese drejtuar Interpolit per ekstradim (qe do ta kishte sjelle ne Tirane per 3 dite nese do kishte nje te tille) tani e ka korigjuar ca paturpesine kur e shpall A. Ahmetajn “ne hetim”.
Por qe ky “hetim” kurre nuk ka qene real se asnjehere nuk i dergon atje ne Zvicer ndonje perfaqesuas per ti ofruar statusin e Bashkepunetorit me drejtesine, ngaqe eshte vete SPAK me i pa interesuari per ta hetuar realisht Ahmetajn.
Sepse hetimi ndaj Ahmetajt eshte realisht edhe hetim per Ramen qe e ka pas Zevendes ne qeveri dhe Ministrin me jetegjate te Ekonomise se Rilindjes.
Dhe SPAK me Pushtetin nuk duan kurrsesi ti nxjerrin syte njeri-tjetrit, ashtu si Korbat.