Restorantet në Filipine kanë kohë që po përballen me mungesën e një prej ushqimeve kryesore të kuzhinës lokale. Shumë prej tyre detyrohdn të theksojnë në menytë e tyre – “pa salcë qepe”.
Sipas statistikave zyrtare, çmimi i qepëve është më i lartë se çmimi i mishit dhe paga minimale ditore në këtë vend të Azisë Juglindore që vitet e fundit ka furnizuar me punëtorë disa sektorë të ekonomisë shqiptare.
Megjithëse çmimet kanë rënë, qepët janë ende një luks për shumë konsumatorë, tha Rizalda Maunes, pronare e një picerie në Cebu City.
“Dikur blinim tre deri në katër kilogramë qepë në ditë. Tani blejmë gjysmë kilogrami, që është gjithçka që mund të përballojmë. Klientët tanë e kuptojnë sepse nuk ka të bëjë vetëm me restorantet…është e vështirë për familjet sepse qepët i shtohen shumë pjatave”, tha ajo për BBC.
Ky përbërës kryesor në kuzhinën filipinase është bërë kështu një simbol i rritjes së kostos së jetesës.
Auutoritetet autorizuan kohë më parë importimin e qepëve të kuqe dhe të verdha në një përpjekje për të rritur furnizimet. Ekspertët thonë se kushtet e rënda të motit kanë ndikuar në prodhimin e ushqimit, përfshirë qepët.
