Shkarkimi i CEO të OpenAI, Sam Altman, është për shkak të “një prishjeje në komunikimin midis CEO dhe bordit”.
Kjo u deklarua nga Shefi Operativ Brad Lightcap në një memo të brendshme të parë nga Reuters, duke shtuar se nuk kishte “asnjë veprim të dënueshëm ose ndonjë gjë që lidhet me praktikat financiare, të biznesit ose të sigurisë dhe të privatësisë”.
Bordi i OpenAI , kompania që qëndron pas produktit ChatGPT, ka shkarkuar CEO Sam Altman, duke shkaktuar trazira në të gjithë industrinë e teknologjisë së lartë. Kompania emëroi ish-CEO të Teknologjisë, Mira Murati, si CEO të përkohshme.
Pushimi befasoi Sam Altman si dhe disa anëtarë të stafit që mësuan për zhvillimin nga blogu publik i kompanisë, sipas një postimi në Twitter (X) nga Greg Brockman, ish-presidenti dhe bashkëthemeluesi i OpenAI. Brockman dha dorëheqjen menjëherë pasi Altman u shkarkua. Studiuesi kryesor Simon Sidor pasoi me dorëheqjen e tij.
“Mund të themi me siguri se vendimi i bordit nuk është marrë si përgjigje ndaj veprimeve të dënueshme apo ndonjë gjëje që lidhet me praktikat financiare, të biznesit apo të sigurisë dhe të privatësisë…Ishte një prishje e komunikimit midis Sam dhe bordit.”
Sam Altman nuk do ta ketë problem të gjejë një punë pasi është i mirëpritur në Francë, siç tha në Twitter (X) Ministri i Tranzicionit Dixhital Jean-Noel Barot.
j.l./ dita
