Kjo foto vjen nga fshati Nartë i Gramshit, ku banorët largohen nga banesat e tyre për t’i shpëtuar flakëve.
Me lot në sy për shtëpitë që po u digjen, ata marrin me vete edhe lopët e bagëtitë, të vetmet të ardhura ndërsa pamjet të lenë pa fjalë…
Gjatë 24 orëve të fundit janë evidentuar 64 vatra zjarri, nga të cilat 24 vatra zjarri janë ende aktive.
Mbi 10 mijë forca të emergjencave, nën koordinimin e Agjencisë së Mbrojtjes Civile ndodhen në terren dhe situata po shkon drejt stabilizimit. Operacioni i gjerë kundër zjarreve ka vijuar pa ndërprerje gjatë gjithë natës, duke synuar kufizimin e perimetrit të flakëve pranë zonave të banuara dhe parqeve kombëtare në të gjithë vendin.
Nga ajri po operojnë edhe tre helikopterë në Gramsh dhe dy të tjerë në Delvinë.
