Paralajmërim për cunami pas tërmetit të fuqishëm në Oqeanin Paqësor

Një paralajmërim për cunami është lëshuar pas një tërmeti të fuqishëm me magnitudë 7.1 që goditi Tongën në jug të Oqeanit Paqësor.

Tërmeti ishte në një thellësi prej 10 km, rreth 200 kilometra në juglindje të Neiafu, një qytet në verilindje të arkipelagut, sipas Shërbimit Gjeologjik të Shteteve të Bashkuara (USGS).

“Valët e rrezikshme të cunamit janë të mundshme për brigjet brenda 300 km nga epiqendra e tërmetit”, tha Qendra e Paralajmërimit të Tsunamit në Paqësor.

Aktiviteti sizmik është relativisht i shpeshtë rreth arkipelagut Tonga, i cili ka rreth 100.000 banorë të shpërndarë në 171 ishuj.

Në janar, arkipelagu u shkatërrua nga shpërthimi i vullkanit Hunga Tonga-Hunga Ha’apai, i ndjekur më pas nga një cunami.

o.j/dita