Lajm i trishtë për sportin vlonjat, por dhe atë shqiptar. Ish-sulmuesi i Flamurtarit, Anesti Vito është ndarë nga jeta në moshën 52-vjeçare. Mësohet se Vito ka ndërruar jetë si pasojë e një arresti kardiak. Vetë klubi ka reaguar me anë të një postimi në rrjetet sociale, ku i shpreh ngushëllimet familjarëve.
“Prehu në paqe Anesti Vito. Në emër të familjes të madhe kuqezi, Flamurtari Football Club i shpreh ngushëllimet më të sinqerta familjes Vito”, shkruan klubi.
Vito ka luajtur edhe me Tiranën ku u shpall kampion në vitin 2000, por edhe për skuadra të tjera si Tomori, Bylysi dhe Albpetroli.
o.j/dita
