“Plaken më shpejt”, studimi: Pasojat e Depresionit të Madh ende të ngulitura në ADN-në e njerëzve të lindur në ato vite

Depresioni i Madh duket se ka pasur një ndikim biologjik në mënyrën se si njerëzit plaken. Shkencëtarët zbuluan se qelizat edhe të njerëzve që as nuk kishin lindur, por ishin ngjizur gjatë Depresionit të Madh, më vonë treguan shenja të plakjes më të shpejtë.

Studimi, i udhëhequr nga Lorin Schmitz nga Universiteti i Wisconsin-Madison, i cili u botua në revistën e Akademisë Kombëtare të Shkencave të SHBA-së (PNAS), sipas “Nature”, u bazua në regjistrimin e ndryshimeve -i quajtur epigjenomi i qelizave.

Studimet e mëparshme kanë treguar se përvoja e krizave ekonomike dhe të tjera të rënda nga njerëzit (luftërat, uria, epidemitë, ndotja, etj.), të cilat rezultojnë në stres të madh gjatë fazave fillestare të zhvillimit njerëzor, madje edhe në fazën e embrionit, mund të ndikojë shëndetin e tij për dekada më pas.

Ngjarjet e mëdha historike lënë një gjurmë në epigjenetika dhe, si rrjedhojë, ndikojnë në vetë gjenomin njerëzor.

Një embrion merr nga prindërit udhëzimet gjenetike për zhvillimin e tij, por gjatë rrugës një sërë faktorësh (mjedisi, ushqimi, hormonet etj.) ushtrojnë ndikimin e tyre epigjenetik që ndikon ndjeshëm nëse dhe si do ta kryejnë qelizat potencialin e tyre gjenetik.

Këto efekte, siç tregon hulumtimi i ri, mund të zgjasin gjatë gjithë jetës.

Duke krahasuar biomarkerët e plakjes në 832 njerëz të lindur gjatë viteve 1930, u zbulua se ata të lindur në ato shtete që ishin goditur më shumë nga Depresioni (papunësia dhe rënia e pagave ishin më të mëdhatë) vuanin nga plakja e shpejtë.

o.j/dita