Lideri i serbëve në Bosnje-Hercegovinë, Millorad Dodik, ka dalë të mërkurën para gjykatës, në nisje të procesit gjyqësor kundër tij, lidhur me refuzimin e tij që t’i njohë vendimet e marra nga përfaqësuesi ndërkombëtar, Christian Schmidt, i angazhuar për mbikëqyrje të marrëveshjes për paqe.
Gjyqi kundër Dodikut përbën një moment të rëndësishëm në Bosnje, duke e testuar kapacitetin e zbehtë të sistemit për ta mbajtur përgjegjës një politikan, i cili dyshohet se po shkel marrëveshjet e paqes dhe po sfidon sistemin gjyqësor të vendit.
Rasti i pashembullt në gjykatën në Sarajevë, vjen disa muaj pas rritjes së tensioneve, meqë Dodik ka nënshkruar një legjislacion të vetin kontrovers që refuzon vendimet e marra nga përfaqësuesi ndërkombëtar Christian Schmidt dhe Gjykata Kushtetuese e vendit.
Në korrik, Schmidt i ka rrëzuar të dyja “ligjet” e miratuara nga Dodik për të përjashtuar veten nga hetimi dhe gjykimi.
Në seancën e së mërkurës, Dodik më në fund u paraqit por ka kërkuar që gjyqi të bartet në Banja Llukë, kryeqytetin e entitetit serb të Bosnjes, Republikën Sërpska. Gjyqi, më pas, është shtyrë, në pritje të një vendimi për vendndodhjen e seancës së ardhshme.
Duke dalë nga gjykata, Dodik e ka sulmuar Schmidtin dhe ambasadorin amerikan në Bosnje, Michael Murphy, për “sjellje koloniale”.
“Christian Schmidt dhe Murphy po tentojnë të na e bëjnë jetën të mjerë në Bosnje”, ka thënë Dodik.
Sipas Kushtetutes se vendit ai përballet me pesë vjet burgim dhe ndalesë në pjesëmarrje në politikë, nëse dënohet.
Vetë Dodik, i hedh poshtë të gjitha akuzat ndaj tij. Dodik, aleat i Kremlinit është në listën e sanksioneve të Shteteve të Bashkuara si Berisha në Shqipëti.
Sa herë përballet me mundësi hetimore ndaj tij, ai nxit tensionet etnike, si dhe kërcënon me shkëputje të Republikës Sërpska prej Bosnje-Hercegovinës.
p.c. / dita
Race muti te dy
Dava serbesh