Temperaturat e larta por dhe mungesa e reshjeve të shiut gjatë 8 muajve të parë të vitit ndonëse ishin një lajm i mirë për qytetarët të cilët kryen pushimet e tyre, nga ana tjetër ndikuan në prodhimin e energjisë elektrike ne vend.
Sipas të dhënave nga Enti Rregullator i Energjisë gjatë 8-mujorit u prodhuan rreth 5.4 mln mWh, duke shënuar rënie në raport me një vit më parë, ku për të njëjtën periudhë u gjenerua rreth 6.2 mln mWh energji.
Në total në këtë periudhë të vitit konsumuam pothuajse aq sa prodhuam. Ky tregues deri në gusht arriti në rreth 5.47 milionë mWh energji, një nivel i përafërt me periudhën janar- gusht të vitit të kaluar, ku konsumi u regjistrua në 5.31 mln mWh.
Sa i përket energjisë së humbur në rrjet ky tregues shënoi rënie në 8 mujor. 17.56% e energjisë u regjistrua e humbur duke shënuar përmirësim në raport me të njëjtën periudhë të vitit të kaluar, ku humbjet përllogariteshin në 19.15%.
Plani për 2024 përfshin një nivel humbjesh rreth 18.5%, 0.57% më shumë sesa synohet të arrihet nga OSHEE. Ndërsa në 2025 në 2025 ky nivel duhet të jetë pranë 18.1%-ve.
i.b./dita
