Dita e nesërme shënon përvjetorin e përplasjes së dy trenave në shtetin grek, një tragjedi nga e cila humbën jetën 57 persona.
Ndaj, populli grek në solidaritet për këtë ngjarje, do të mbaj të premten një nga protestat më të fuqishme të viteve të fundit, për tragjedinë e Tempit në 28 shkurt 2023.
Policia e Kakavijës njofton se nesër nga ora 07:00 deri në orën 23:00, në PKK Kakavijë, nuk do të ketë lëvizje të mjeteve, për shkak të grevës së doganierëve grekë.
Sipas bluve, do të lejohen të qarkullojnë vetëm këmbësorët, mjetet e transportit të produkteve që prishen dhe automjetet që do kenë emergjenca shëndetësore.
“Policia Kufitare është njoftuar nga pala greke, se më datë 28.02.2025, nga ora 07:00 deri në orën 23:00, në PKK Kakavijë, nuk do të ketë lëvizje të mjeteve, për shkak të grevës së doganierëve grekë.
Do të lejohen të qarkullojnë vetëm këmbësorët, mjetet e transportit të produkteve që prishen dhe automjetet që do kenë emergjenca shëndetësore”, njofton policia.
i.b./dita
Ja ky është popull i përgjegjshëm që ngrihet për të mbrojtur jetën e njërëzve të zakonshëm, jetën e vëllezërve dhe bijëve të tij. Këto protesta Nuk i Organizojnë Partitë por populli.
Kjo vjen natyrshëm, mbrojta e jetës njërëzore është ligji numër një i kushtetute në një vend demokratik.
Prandaj për ngjarjen e Gërdecit në çdo vit mbas vitit2008 rrugët e gjithë qyteteve të Shqipërisë duhet të mbusheshin me protestues që mos të ndodhte 21 janari i vitit 2011, ngjarje tragjike të llahtarshme për një vend demokratik.
Për këtë faji bien mbi ne, bashkëkohës të këtyre ngjarjeve të padëgjuara për vende demokratike, prandaj dhe sot SPAK i lenë mënjanë dosjet e ngjarjeve tragjike të njëpasnjëshme si:
Kush e dha urdhërin të sulmohej jugu në ngjarjet e ’97
Kush ishte fajtor për Gërdecin(tragjedi kombëtare)
Kush urdhëroi vrasjen e 4 protestuesve dhe plagosjen e qindrave të tjerë.
Ja si ndodh kur qytetarët nuk ngrihen të mbrojnë jetën e tyre, por manipulohen nga partitë politike.
Përfundimisht nëse populli hesht, pra ne heshtim, ne nuk meritojmë të jetojmë si njërëz të lirë, se njërëzit dinjitoz luftojnë për të mbrojtur të drejtat e tyre.
Njërëzit duani jetën tuaj, mbrojeni atë dhe mos lejoni veten tuaj t’ju manipulojnë dhe t’u nëpërkëmbin.