Kryeministri Edi Rama do të mbledhë ditën e sotme Grupin Parlamentar të PS-së, ku të pranishëm do të jenë të gjithë deuptetët dhe ministrat e kabinetit qeveritar. Takimi do të nis në orën 10:00 dhe do të zhvillohet në Pallatin e Brigadave. Bëhet me dije se fokusi i kësaj mbledhje do të jetë ecuria e procesit të integrimit europian dhe procedurat e ndjekura deri më tani për investimin në Zvërnec.
Mbledhja do të hapet nga kryetari i Grupit Parlamentar socialist, Taulant Balla, ndërsa më pas fjalën do ta marrë kryeministri Rama. Pas kësaj do të bëhet një informim mbi konkluzionet e Konferencës së 8-të Ndërqeveritare Shqipëri-BE dhe ecurinë e negociatave të anëtarësimit në BE. Deputetët do të kenë jo më shumë se 2 minuta kohë në dispozicion për të diskutime dhe raportime. Një pikë tjetër e rëndësishme do të jetë edhe informimi mbi procedurat e ndjekura deri më tani për investimin në Zvërnec dhe interesin e shprehur për zhvillimin turistik të ishullit të Sazanit.
Pas kësaj bashkëkryetari i Komisionit të Reformës Administrative, Arbjan Mazniku, do të paraqesë një përditësim mbi ecurinë e reformës territoriale, ndërsa Taulant Balla do të informojë mbi detyrat e lëna nga mbledhja e kaluar dhe performancën e anëtarëve të Grupit Parlamentar. Takimi do të mbyllet me fjalën përfundimtare të Edi Ramës dhe Taulant Ballës.
AXHENDA E PLOTË
10:00 – Hapja e mbledhjes nga Kryetari i Grupit Parlamentar të PSSH, Taulant Balla.
Fjala e Kryeministrit, Kryetarit të PSSH, Edi Rama.
Informim mbi konkluzionet e Konferencës së 8-të Ndërqeveritare Shqipëri-BE dhe ecurinë e negociatave të anëtarësimit.
Pyetje / diskutime jo më shumë se 2 minuta për çdo folës
-Informim mbi paketën e ligjeve që lidhen me procesin e anëtarësimit të Shqipërisë në BE.
Pyetje / diskutime jo më shumë se 2 minuta për çdo folës
-Informim mbi procedurat e ndjekura deri më tani për investimin në Zvërnec dhe interesin e shprehur për zhvillimin turistik të ishullit të Sazanit.
Pyetje / diskutime jo më shumë se 2 minuta për çdo folës
-Informim mbi ecurinë e Reformës Administrative Territoriale.
Pyetje / diskutime jo më shumë se 2 minuta për çdo folës
-Informim mbi detyrat e lëna nga mbledhja e kaluar dhe performancën e anëtarëve të Grupit Parlamentar.
Pyetje / diskutime jo më shumë se 2 minuta për çdo folës.
j.l./ dita
