Kryeministri Edi Rama mbajti një fjalim në ceremoninë e lamtumirës për ish-kryeministrin dhe liderin historik të socialistëve, Fatos Nano.
Pas mesazhit të përcjellë nga Xhoana Nano dhe Sokol Nano, bashkëshortja dhe djali i ish-kryeministrit, Edi Rama mbajti fjalimin në ceremoni, duke kujtuar Fatosin si mik, udhëheqës dhe si njeri që la gjurmë të pashlyeshme në historinë politike të vendit.
“I thonë një fjale, vdis pa të dua. Sa do doja i dashur Fatos të uleshim sonte në një nga ato darkat tona të rralla të viteve të fundit plot me shijeni e ajrit të pastruar mes nesh dhe ti kalonim deri vonë në atë revistën tonë të ngjarjeve tërë ça u tha e ça shkrua për ty qysh se doli lajmoi se këtë herë ti ike përgjithmonë.
Sa të paskan dashur e admiruar, edhe ata që s’të lanë shkop ndër rrota pa të vënë dhe gurë kurrë pa të hedhur. Mezi paskam pritur të të tregojnë dashurinë sapo të merrnin vesh që nuk do ti hapësh më sytë.
Dhe ata që të kallën në burg duke të akuzuar si vjedhës dhe erdhën të vrasin në zyrë duke të mallkuar si vrasës e që të lëshuan mbi fytyrë për vite me radhe tërë të zezat e gjuhës shqipe, veç ta shihje se si ta kanë qëndisur aq bukur fjalët e admiratës së tyre”, tha Rama.
j.l./ dita
