Presidenti i Republikës Srpska, Milorad Dodik e cilësoi sot rezolutën për Srebrenicën si “lëvizje tinëzare” kundër një kombi dhe shtoi se populli serb nuk duhet të shqetësohet.
Ai tha se nëse miratohet rezoluta e gjenocidit serb në Bosnjë Hercegovinë, atëherë Republika Sërpska nuk ka arsye pse të vazhdojë të jetë pjesë e Bosnjës.
“Nëse rezoluta miratohet, ne e refuzojmë atë. Ne nuk mund ta pranojmë atë kualifikim. Gjenocidi është skualifikim moral i një populli. Republika Srpska nuk sheh më asnjë arsye pse duhet të ekzistojë në Bosnje dhe Hercegovinë pas kësaj”, tha Dodik në Gradishka.
Dodik vijoi me pretendimet e tij duke u shprehur se askund në Ballkan nuk ka pasur gjenocid serb, duke mohuar kështu edhe gjenocidin serb ndaj shqiptarëve të Kosovës.
“Gjenocidi është kryer kundër popullit serb në Luftën e Parë dhe të Dytë Botërore. Gjermanët vranë gjysmën e popullit tonë”, tha Dodik ndër të tjera.
Ndërsa në fund nuk harroi të falenderonte presidentin serb, Aleksandër Vuçiç duke u shprehur se ky i fundit po mbron interesat e serbëve në të gjithë Ballkanin.
j.l./ dita
Të iku jeta duke kërcënuar se do të shkëputesh! Kështu ndodh kur i bëhen lëshime agresorit në dëm të të tjerëve. Të vrasësh 8000 burra rrobër të pambrojtur është genocit sepse ndryshe humbet kuptimi i kësaj fjale. Cinizmi i juaj, sikur ju jeni “viktima” dhe jo shkaku i luftës tregon se serbët janë të pandryshueshëm brez pas brezi. E njëjta politike, si më Bogomilët e mesjetës dhe nga një territor i vogël rreth Beogradit, u zgjerua në dimensionet e sotme. Mjere ata që harojnë historinë dhe miqësia me ju është e rrezikshme sepse gjithmonë mendoni thikën pas shpine.