Të gjithë qytetarët, të cilët kërkojnë të rinovojnë kartat e identitetit apo pasaportat biometrike, kanë edhe një mënyrë tjetër për tu pajisur me kupon, duke aplikuar online në IdentiTek dhe jo vetëm përmes shërbimit postar.
Kjo u bë e ditur nga kompania dhe Ministria e Brendshme, të cilat kërkojnë tu vijnë në ndihmë jo vetëm qytetarëve shqiptarë që jetojnë në Shqipëri, por edhe atyre që punojnë dhe jetojnë në vende të ndryshme të botës.
“Ky është një proces, që i cili vjen në ndihmë të gjithëve qytetarëve duke lehtësuar edhe një herë veprimet e tyre për marrjen e kartës. Sot, ne mund të prodhojmë kartat e Identitetit nëpërmjet një afati kohor nga një deri në tri ditë. Kjo do të bëjë edhe një herë shkurtimin maksimal të të gjitha afateve të pritjes për prodhimin e kartës së identitetit”.
IdentiTek ka rritur edhe elementët e sigurisë së pasaportave biometrike.
“Ne së fundmi jemi anëtarësuar në Drejtorinë e Çelësave Publik (DCP), në Organizatën Ndërkombëtare të Aviacionit Civil, kjo domethënë se pasaportat tona kanë një siguri më të lartë duke qenë se ne futemi në një rrjet ndërkombëtar e jemi vendi i 99-të, që jemi anëtarësuar nga 103 vende, pjesë e kësaj organizate. Pra, pasaporta jonë ka një siguri shumë të lartë duke luftuar në këtë mënyrë terrorizmin, por duke përmirësuar edhe imazhin e pasaportës sonë në arenën ndërkombëtare”.
Ministria e Brendshme thotë se, ndryshimet u përgjigjen kërkesave të shumta nga qytetarë shqiptarë, që jetojnë e punojnë jashtë, e nuk kanë mundësi të presin dy javë për të rinovuar kartën e identitetit.
i.b./dita
