Romelu Lukaku ia shpërblen me dygolësh besimin trajnerit Tedesco, që i dha shiritin e kapitenit sulmuesit të Interit në mungesë të De Bruynes (Courtois braktisi grumbullimin në shenjë proteste).
Dygolëshi i Big-Rom (37’, 40’) i siguroi fitoren (0-2) “Djajve të Kuq” në transfertë me Estoninë në Grupin F. Belgjika shkon në kuotën e 7 pikëve, tri më pak se Austria kryesuese, që fitoi 1-0 përballë Suedisë.
Në Grupin A, Norvegjia siguroi fitoren e parë në grup, 3-1 përballë Qipros, që ende nuk ka marrë pikë në këtë fushatë eliminatoresh. Në Grupin G, Hungaria ngjitet në vendin e parë, pasi fitoi 2-0 me Lituaninë, ndërsa Bullgaria barazoi 1-1 me Serbinë në ndeshjen e luajtur në Razgrad.
Portugalia u nderua në minutat shtesë nga Kristiano Ronaldo, që vendosi edhe rekord të 200 ndeshjeve me kombëtaren, duke u shpëtuar fytyrën shokëve të ekipit ndaj Islandës, e cila luajti për shumë minuta me një lojtar më pak.
