Diga më e madhe e Ukrainës është goditur nga një sulm rus, kanë thënë zyrtarët.
Kompania shtetërore e hidrocentraleve të vendit Ukrhydroenergo tha këtë mëngjes Diga Dnipro e Zaporizhzhia ishte sulmuar, por nuk kishte rrezik për një thyerje.
“Aktualisht ka një zjarr në stacion. Shërbimet e urgjencës dhe punonjësit e energjisë po punojnë në vend, duke u marrë me pasojat e sulmeve të shumta ajrore”, tha kompania.
Trafiku nëpër digë është aktualisht i bllokuar. Ministri i Energjisë i Ukrainës, Herman Halushchenko, tha se ky ishte sulmi më i madh në infrastrukturën energjetike të Ukrainës në “kohët e fundit”, shkruan Sky News.
“Tani armiku po kryen sulmin më të madh në industrinë e energjisë ukrainase në kohët e fundit. Qëllimi nuk është vetëm të dëmtojë, por të përpiqet përsëri, si vitin e kaluar, të shkaktojë një dështim në shkallë të gjerë të sistemin energjetik të vendit”, shkroi ai në Facebook.
“Fatkeqësisht, ka goditje dhe dëmtime në objektet e prodhimit të energjisë, sistemet e transmetimit dhe shpërndarjes në rajone të ndryshme”, shtoi Halushchenko.
j.l./ dita
