Rusia ka kryer akte të tmerrshme të vrasjes, torturës, përdhunimit dhe dëbimit, gjatë pushtimit të saj në Ukrainë. Kështu është shprehur sot në një deklaratë zv/presidentja e SHBA-së, Kamala Harris, gjatë fjalës së saj të mbajtur në Konferencën e Sigurisë në Mynih.
Harris tha në konferencë se autorët e krimeve të dyshuara ruse në Ukrainë duhet të dalin përpara përgjegjësisë.
“Veprimet e tyre janë një sulm ndaj vlerave tona të përbashkëta dhe njerëzimit tonë të përbashkët,” tha ajo.
Nga ana e saj Moska ka mohuar në mënyrë të përsëritur se ka shënjestruar civilët gjatë pushtimit të saj. Konferenca në Gjermani zhvillohet në prag të 1-vjetorit të pushtimit të plotë të Ukrainës nga Rusia më 24 shkurt.
m.b./dita
